Kva med å ta med deg din kjære til Noregs eldste hotell? Her kan de nyta kvarandre i fredelege og naturskjønne omgjevnader langt frå rutinar og stress. Lengst inn i den mektige Sognefjorden ligg den idylliske småbygda Solvorn.
Her er det fred og ro som står i høgsetet, ei ypperleg råme for dykk med romanse i tankane. Hotellet si historie strekk seg attende til 1640, medan familien Nitter Walaker har drive hotellet sidan 1690 (9. Generasjonar). Staden ligg midt i det store matfatet med tanke på lokal mat og har eit særs godt kjøkken, samt eit flott og velrenommert kunstgalleri.